Cessit Lyaei sacra fama numinis
Lynces ab oris qui subegit Indicis.
Curru paventes duxit ille bestias
Mero gravatas ac minari nescias
Et quas domarent vincla coetu garrulo.5
Sed mira nostri forma constat saeculi;
Pardos feroces saeviores tigribus
Praedam sagaci nare mites quaerere
Canum inter agmen et famem doctos pati,
Quidquid capessunt ore ferre baiulo.10
O qui magister terror est mortalium,
Diros ferarum qui retundit impetus,
Morsum repertis ut cibis non audeant!