Hunc etiam calamum tibi, docte Nesene, Philippus
sincerae mittit pignus amicitiae.
non tamen hic sese confert cum munere Erasmi,
sed calamo longe cedit Erasmiaco.
frigida caenoso tulit hunc Saxonia stagno,
in Nili ripis editus ille fuit.
Lethaeum excussit mundo tamen ille veternum,
pingebat domini cum monumenta sui.
aurea Mercurii non tantum virga meretur,
illa sibi quantum laudis arundo feret.
hos tantum versus mea pinxit arundo, placere
quantum ipsos versus, hanc eriam opto tibi.