L saudè.
Mo n jëde a l’ oma i bosl la man,
Po i cëlel mo drët i diʃh bradlan:
“Dlekordet’, o loma, de me i sta nton,
Prëja per me nfin k’ inò s’ udon!”
L’ oma cialan dut grama, zitran
Sul cë al senië i mëtla si man.
“Segur perië ulerei per te,
Tëniet’ su drët da bravo saudè!”
El cinia de shi. Tla viëra iel po ʃhi.
Trame doi la parola ai po mantenì:
N’ ie passà via truepes dis,
K’ ëi doi s’ a prësh udù – sun paravis.
L fi mazà dala bala dl Rus
I l’ oma tosh morta, do dal ferdrus.