Veus tu treuver la mort facile & transitoire,
Esleve l'ame à DIEU au jour d'affliction,
Encore avant le tems de ton oppression,
De tes oppressions demande luy victoire :
Auparavant qu'il siege au throne de sa gloire,
Examine en ton cuer ta conversation,
Et prens la medecine avant l'infection,
Au jour du jugement il en aura memoire ;
Crois fermement en luy, & luy sers jeunement
Embrasses son vouloir, fais son commandement
Ne blasmant ton prochain epoinconné d'envie
Lors Sathan te lairra, & mourant arresté
Tu luiras comme un astre au plus chaud de l'Esté
Communement la mort est telle que la vie.