O sombre aveuglement du jugement humain :
Le cors devers sa fin à toute heure balance
A toute heure la mort cite en derniere instance,
Et nous osons promettre un ferme lendemain ;
Autant comme se peut de nostre àge incertain
Estendre le passage, autant par esperance
Nous nous en promettons, & n'est telle puissance
Qui des ambicieus refrene le dessein.
O sottize du monde, ô vanité des hommes
Plus voisins du tombeau de jour en jour nous sommes,
Et chaque heure nous pousse au lieu ds trespassez.
Nous vivons pour mourir, & sur le point extreme
De la mort de ce cors, & quant nous mourons mesme
Mal-heureus avortons rien ne nous semble assez.