Ce que tu vois de l’homme, homme, l’homme n’est pas
C'est seulement l'escorce, & la cocque fragile
De l'ame incorruptible, immortelle, & fubtile
Durant ce peu de tems quelle loge icy las.
En voulons nous esclorre, & maugré le trespas
Devenir Citoyen de l'eternelle ville ?
Rompons premierement ceste prison servile
Foulant dessous les piés les terrestres appas.
Ainsi quant le Phœnix aggravé de viellesse
Se veut regénerer en nouvelle jeunesse
Soy-mesme il se bastit son nid, & son tombeau
Se bruslant au Soleil, un vert nait de sa cendre,
Du vert, un euf, de l'euf s'esclot un oiseau tendre,
A l'autre tout pareil, mais plus jeune, & plus beau.