Or est la bele Idoine en la tour seule mise,
Mais pour ce ne changea son cuer en nule guise :
Qu’èle est si de l’amour Garsilion esprise
Qu’il n’est rien en cest mont qu’èle tant aime et prise,
En pleurant le regrette, quar bien en est aprisc.
Hé Diex !
Qui d’amour sent dolour et paine
Bien doit avoir joie prochaine.
Riches fu li tournois desous la tour antive,
Chascuns par sa proesce veut qu’Idoine soit sive.
Et la bele s’escrie : « Cuens Garsile saïve ! »
Li cuens qui chevalier ne doute ne esquive
A fait le jour vuidier maint cheval et mainte yve.
Hé Diex ! etc.
Tout le tournoi veinqui, la pucèle a conquise,
Et li rois li donna, si l’a à femme prise,
Et sa terre l’emporte, à haute honor l’a mise, etc.
Au novel tems pascour que florist l’aubespine,
Espousa li cuens Guis la bien faite Argentine.
Tans furent bonemest, bras à bras, souz courtine
Que six biaus fils en ot. Puis li monstra haïne,
Pour ce que mieus amoit sa pucèle Sabine.
Qui convent a à mal mari
Souvent s’en part à cuer marri.
Oncques n’amai à repentir
Ne si soi faire mesprison,
Ains m’i fait loiaument tenir
Espérance de guerredon,
Et se j’ai servi en pardon
Sans rien mérir
Bien weil pour ma dame mourir,
Si li est bon.