Het ich tvgende niht ſo vil vō ir v̾nomen·
vn̄ ir ſchoͤne niht ſo vil geſehē·
wie w̾e ſi mir danne alſo ze herzen komen·
ich mv̊s iemer dem geliche ſpehen·
als der mâne tv̊t den ſinen ſchin· vō deſ fvnnē ſchin enpfat·
als kvmt mir dike·
ir wol liehtē ǒgen blike·
in dc herze min· da ſi voꝛ mir gat·
IR wol liehten ǒgen in dc h̾ze min·
ſo kvmt mir dú not dc ich mv̊s klage·
ſolde aber ieman an im ſelben ſchuldig ſin·
ſo het ich mich ſelbē ſelbe erſlagen·
do ichs in min herze nam· vn̄ ich ſi vil gerne ſach·
noch gerner danne ich ſolde·
vn̄ ich des niht midē wolde·
in hohte ir lop ſwa mans voꝛ mir ſpꝛach·
Mime kinde wil ich erben diſe nôt·
vn̄ dú klagendē leit· dú ich han vō ir·
wenent ſi danne ledic ſin ob ich bin tot·
ich 77v lâſſe einen troſt noh hinder mir·
dc noch ſchoͤne w̾de min ſvn dc er wund̾ an ir bege·
alſo dc er mich reche
vn̄ ir herze gar zerbꝛeche·
ſo ſin ſo rehte ſchonen ſe·