«Est locus, occiduas ubi sol æstivus ad oras
Inclinat radios, nocte premente diem:
Oceanumque petit, curruque invectus eburno,
Iam cursu lassos æquore tingit equos.
5Vallis ibi inclusa, scopulis ad sidera ductis,
Deflectit clivos: murmurat intus aqua.
Obiicit Oceano molem, ternæque minantur
Supernae [Excelsæ] rupes tangere tecta poli.
Et nisi condensi cingant fastigia nimbi,
10His cælum credas sistere verticibus.
Rupibus his Fauni, sunt hic quoque lustra ferarum,
Venator matres figat ubi et catulos.
Inferne viridi densantur robora fronde:
Silvano et Satyris efficit umbra domos.
15Populus hic, corylique decus, fagusque pirusque,
Et cerasus, prunus, castaneaeque nuces,
Et plantæ innumeræ mortalibus esca beatis,
Quæ sunt divorum munera non hominum [cælicolum].
Flava Ceres dextra mortales volvere [vertere] terram,
20Et serere, et messes condere, sponte docet.
Pan læva, Arctoum mundus qua surgit ad axem,
Pascere dat passim gramine posse pecus [gramina læta gregi].
Citrea mala rubent, vallis qua tendit ad imum,
Qualia fert rutilans hortulus Hesperidum:
25Et lauri frondes, victorum premia quondam,
Quæque poetarum texere serta solent:
Et myrtus Veneri sacra crispatur in umbra:
Cuncta placent fructu, floribus ас redolent.
Hic philomela canit, turtur gemit atque columba:
30Nidificant volucres, quotquot ad astra volant.
Silva avium cantu resonat, florentia subtus
Prata rosas pariunt, liliaque et violas,
Fragrantemque thymon, mentam, quoque pullegiumque [roremque marinum],
Narcyssum et neptam, basylicumque dium [sacrum]:
35Atque alios flores, ramos herbasque virentes,
Terra creat pinguis vallibus ac nemore.
Quis passim Dryades capiti cinxere corollas,
Et Fauni et Nymphæ cornigerique Dei.
Ast ubi devexam [præcipitans] leni fluit unda susurro
40Per vallem umbrosam rupibus alta cadens [aeriis]:
Stagna replet, pulchræ mersant ubi corpora Nymphæ,
Aurora aut splendet, seu regit umbra polum:
Regia celsa lacu supereminet, unde comantem
Prospiciat [Prospectat] silvam candida virginitas.
45Hinc ego prospiciens, oculis dum singula lustro,
Naturæ admirans munera, delitias,
Liquerat Auroram Cephalus, vultuque rubenti
Illa aperit terras, pandit et illa polum:
Emersit stagnis subito pulcherrima Nympha
50Tunc forma referens, corpore, voce deam.
Suspicit, adloquitur que ultro me in arce [hac voce] sedentem
Vocibus his: “Salve grata puella Diis [Deis].
Pectore quid volvia, Sygea, de Principe tanta [Quid tecum, SYGEA, putas? Tu principis almæ]
Arcibus his posita [spectans] noscere fata cupis?”
55Tunc ego: “Si superi firmarent numine quantum
Exoptem, dominant tollere ad astra velim,
Tu que cesariem [О quæ cæsarie], vultumque, oculosque sinusque [vultuque, oculisque, sinuque],
Et certe incessu tu mihi tota Dea es! [diva videre mihi!]
Nympha loci custos, vitreo quæ gurgite lymphas
60Concipis, et Divum pandere fata potes:
Tu mihi fatorum seriem, quæ regia virgo
Regna manet, resera, quive [quosve] manent thalami [manet thalamos?]”
Illa libens roseo ( dum sic loquor) intonat ore:
“Quod, virgo, rogitas, accipe, nec dubita.
65Neptunus genitor nuper me ad alta [summa] tonantis
Atria deduxit [perduxit] concelebrata Diis [Deis].
Consedimus [Constiterant] cuncti ambrosia cum nectare pasti [vescentes nectare, пес non]
Virginis et dulces fata levant epulas [Ambrosia: at postquam mensa remota fuit],
Digna petunt divi regali in principe dona,
70Imperio ut superet, quas superat meritis.
Docta Minerva aderat, Musaeque [cantusque] inventor Apollo,
Calliopeque primi, pignora grata Iovi [Nec non Calliope, pignora chara Iovis].
Quos coluit virgo, quorumque exercuit artes,
Hicque vicem referunt prospera cuncta petunt [Illi gratantes munera pulchra petunt].
75Iuppiter his ridens [adridens] vultu, quo sidera lustrat,
Respondet Divis, qui petiere simul:
“Gaudete, o Superi: perstant [perstare] immota potentis
Principis augustæ maxima fata vobis [volo].
Nec, licet adspiciat quasdam nunc carpere regna,
80Desperet: capient mox sua fata locum.
Nonnisi per magnos vincuntur magna labores:
Nec tulit ignavos regia celsa Deos.
Quosque aliæ sponsos captant [captent], visuntur ubique:
Quem sibi fata parant, nonnisi summa tenet.
85Нæс reget imperium felix, quum nupserit, orbis:
Pacatus dominæ cedet uterque polus.
Vade ergo, et timide referes [referas], quæ diximus, ore
Fatidico, ut lætos exigat illa dies.
Nec sis sollicita, aut metuas prædicere fata:
90Succedent votis ordine cuncta tuis.”
“Augurii, repeto, tempus mihi, Nympha, recense.”
“Recte, inquit, rogitas: tempora nosse opus est.
Nam Pater Omnipotens, epulis de more solutis,
Fatorum superis tempora certa dedit.
95Antequam rapidum volvat Sol aureus axem [Ante polum quam sol circum volvatur utrumque],
Sæpius a Cancro versus ad Ægoceron,
Quæ cecini, venient: voti rea maxima princeps
Ante aras [aram] supplex tunc pia thura feret.
Dixerat, et liquidas resilit Dea rursus in undas,
100Præcipiti et saltu gurgite mersa latet.
Ast ego, quæ Infantis causa dubitare solebam
Antea, tunc rediens omine certa fui.
Mercurium, credo, Nymphæ sub imagine Olympo
Demissum, ut Dominæ sic mihi fata canat.
105Nunc supplex tendo iunctas ad sydera palmas
Pro tali augurio; nec mihi cassa fides.
Нæс ego cum videam [quum cernam] compleri in Principe vates,
Inter cælicolas tunc mihi locus erit cælicolas [ Spero cælicolas inter habere locum].»