Symphonia harmoniae caelestium revelationum — XXXIV. O viriditas digiti dei De sancto Dysibodo

Responsum:
O viriditas digiti dei,
in qua deus constituit plantationem,
que in excelso resplendet
ut statuta columna.

Tu gloriosa in preparatione dei.

Versus:
Et o altitudo montis,
que numquam dissipaberis in discretione dei,
tu tamen stas a longe ut exul,
sed non est in potestate armati,
qui te rapiat.

Tu gloriosa in preparatione dei.

Gloria patri et filio
et spiritui sancto

Tu gloriosa in preparatione dei.