Symphonia harmoniae caelestium revelationum — XX. O quam preciosa

Responsum:
O quam preciosa est virginitas
virginis huius,
que clausam portam habet,
et cuius viscera
sancta divinitas calore suo
infudit,
ita quod flos in ea crevit.

Et filius dei
per secreta ipsius
quasi aurora exivit.

Versus:
Unde dulce germen,
quod filius ipsius est,
per clausuram ventris eius
paradisum aperuit.

Et filius dei
per secreta ipsius
quasi aurora exivit.