Hoc jacet in tumulo non flenda infantia fratrum,
Quos tulit innocuos vita beata viros.
Uno utero geniti, simili sunt sorte sepulti,
Et pariter natos lux tenet una duos.
Lotus fonte sacro prius ille recessit in albis,
Iste gerens lustrum ducitur ante Deum.
Nomine sed primus vocitatus rite Joannis,
Alter Patricius munere major erat.
88.0169B| De cujus merito sic plurima signa dederunt,
Felices animae, quae pia vota colunt.
Hic etiam felix genitrix requiescit eorum,
Quae meruit partu lumina ferre suo.