Quae charae matri, quae dulcia verba sorori
Solus in absenti cordis amore loquar?
88.0354A| Quas locus excludit, mens anxia voce requiret,
Et simul, ut videat, per pia vota rogat.
Te peto, chara soror, matri pietate benigna,
Quod minus impendi, tu famulare velis.
Illa decens tecum longo mihi vivat in aevo,
Et tribus in Christo sit, precor, una salus.
Nos neque nunc praesens, nec vita futura sequestret,
Sed tegat una salus, et ferat una dies.
Hic tamen, ut cupio, vos tempora longa reservent,
Ut soror, et mater sit mihi certa quies.