Exemplum fidei, parendi et norma salubris,
121.0613D| Excelsi Patris primum cognomine dictus,
Gentibus inde Pater coelesti sorte vocatus,
Septenas Abraham sancit retinetque beatus.
His quoque martyrio insigni trinoque coruscant
121.0614A| Orbem templa suo lustrantia lumine cunctum
Dionysius, aethereo qui splendet honore:
Gallia doctorem, Paulo instituente, beatum
Quem meruit, gemino comptum junctumque ministro.
Domninoque Itali claro cum martyre fulgent.