Personae:
Carbonarius, Praeceptor.
C.
Licetne exire?
P.
Quo?
C.
Ad Sartorem.
P.
Quid eo?
C.
Ut mihi tunicam faciendam metiatur.
P.
Quae tibi est materia?
C.
Niger pannus.
P.
Ubi est?
C.
In arca mea.
P.
Sartor autem quis tibi est?
C.
Petrus Sylvius.
P.
Estne peritus artifex?
C.
Sic audivi; et est notus patri meo, qui iussit, ut illum adirem.
P.
Ubi habitat?
C.
In vico Xenodochii.
P.
Non nimis longe est; cave discurras.
C.
Cavebo.
P.
Facile a me veniam impetrant, qui nunquam fallunt.
C.
Avertat Deus ut unquam fallam.