Personae:
Bargius, Praeceptor.
B.
Praeceptor, accersor a patre.
P.
Ubi is est?
B.
In diversorio.
P.
Quando venit?
B.
Advenit modo.
P.
Quis tibi tam cito nuntiavit?
B.
Misit ad me famulum.
P.
Ubi est?
B.
Prae foribus me expectat.
P.
Cur illum non intromisisti?
B.
Noluit intrare.
P.
Quid ita?
B.
Quia (ut ait) festinatione urgetur.
P.
Voca illum, ut paucis conveniam, deinde abi: sed cura ut quam primum huc adsis.
B.
Eo vocatum.