Personae:
C., D..
C.
Mox aderit praeceptor: repetamus.
D.
Quid opus est mihi repetitione? solus repetivi satis: omnia teneo memoria.
C.
Quid tum? ‘Quanto saepius repetes, tanto melius tenebis’.
D.
Bene mones: habeo tibi gratiam.
C.
Incipe: tempus abit.
D.
Quartae declinationis.
C.
Erras, Daniel: incipiendum est ab exemplo hesterno.
D.
Erravi, fateor.
C.
Dic igitur nunc recte.
D.
Nom. Sing. Hoc Sedile. Gen. huius sedilis, etc. ad finem usque.
Quartae declinationis nomina hoc exemplo declinantur, Nom. Sing. Hic Sensus. Gen. huius sensus. Dat. huic sensui.
C.
Hactenus; audio praeceptorem.