Personae:
Riparius, Amadaeus.
R.
Audivistine horologium?
A.
Dudum sonuit.
R.
Dinumerasti horas?
A.
Dinumeravi.
R.
Quota est?
A.
Fere sesquiprima.
R.
Instat igitur praelectionis tempus: fac ut paratus sis.
A.
Ubi merendam peredero, ecce me paratum.
R.
Cur meridie non adfuisti nobiscum?
A.
Prodieram cum bona venia praeceptoris.
R.
Sed interim sum tibi impedimento.
A.
Nihil impedis; ne bolum quidem perdidi interpellatione tua.
R.
Bene habet; perge, sed matura.