Personae:
Comes, Oliverius.
C.
Quid actum est in auditorio hora tertia?
O.
Tractatae sunt orationis partes ex praelectione.
C.
Nihilne amplius?
O.
Dixissem, nisi me interpellasses.
C.
Erravi; Perge.
O.
Postea dictavit praeceptor argumentum Anglicum hodie vertendum.
C.
Quando reddendum?
O.
Cras meridie.
C.
Iamne vertisti?
O.
Utcunque.
C.
Dicta mihi, quaeso, vernaculum.
G.
Accipe, festina; nam habeo aliquid scribere.