Hic puer ignarus lingue cupidusque latine
Perlegat eloquij semina prima sui
Ad decus exculti verum sermonis iturus
Est opus assuescat verba Latina loqui
Nam tenero quales didicit quis gutture voces
Annoso tales edit ab ore sonos
Vimine que recto surgens adoleuerit arbos
Erectum tollit pulchra sub astra caput
Florida sic etas lepidis imbuta loquelis
Fatur mellifluis verba diserta modis.