Te quotiens victum circus, Cyriace, resultat,
Crimine victores polluis et populos.
Non visum quereris senio languente perisse
Castigasque tuae tarda flagella manus.
Sed quod in alterius divulgas crimina nomen, 5
Cur non illa magis credis inesse tibi?
Es meritis inpar, virtute, aetate relictus.
Haec cum habeant alii, crimina vera putas.
Sola tamen falsis surgat tibi poena loquellis,
Ut victus semper nil nisi crimen agas. 10