Apostolorum gloriam
Hymnis canamus debitis,
Votis vacemus annuis,
Jesu, fave precantibus,
Bariona Simon Petrus,
Et Doctor almus gentium,
Festiva saeclis gaudia.
Suo dicarunt sanguine.
Conjunxit hora transitus
Poli petentes januam,
Quos una semper charitas
(0628D)Mundo retentos junxerat.
Diversitates gentium
Errore longo dissonas,
Ad veritatis gratiam
Verbis trahebant consonis.
Ecclesiae princeps sacer
In monte Jesum conspicit.
Vocemque Patris igneo
Audit poli de vertice
Fulgentis ascendens poli
Tertia Paulus edita,
Arcana dixit, alteri
Proferre nulli quae licet
Gressus Cephae per caerula
Christi juvantur dextera,
(0629A)Christus suos, ne saeculi
Demergat aequor, erigit.
Hujus pericla saeculi
Vinci fide credentium
Paulus docet, jam naufragos
Salvans ab undis socios.
Imis Simon e fluctibus
Mundi fideles extrahens
Pisces bonos ut liberet,
Ad lucis effert patriam.
Castris in hujus saeculi
Manere justos incolas,
Paulus docet, tentoria
Texenda castris congrua.
Languore fessos transiens
(0629B)Simonis umbra sublevat,
Mundat leprae contagium,
Claudosque gressu roborat.
Magister altus gentium,
Atri furores spiritus,
Cunctumque morbum per sua
Fugat potens sudaria.
Nox claudit ambos carcere,
Pleno sed aethrae lumine,
Umbras vident et vincula,
Christi vident qui gloriam.
Oppressa letho corpora
Ad lucis auras suscitant,
Hostesque justi perfidos
Abdunt tenebris inferi.
(0629C)Praefulgido stolas suas
Agni cruore laverant,
Gustando mortis poculum,
Mortis triumphant principem.
Quantum sequi desideret
Christi Petrus vestigia,
Ad quem venire non timet
Scalam crucis per asperam.
Regni perennis introit
Paulus per ensem regiam,
Nam qui Deum timet caput
Ferro libenter dat suum.
Sic principes Ecclesiae,
Sic vera mundi lumina,
(0629D)Mortis triumpho nobili
Sumpsere palmam gloriae.
Tropaea quorum insignia
Jam Roma felix continet,
Quorum coronas totius
Orbis celebrat ambitus,
Vox erga nostra te Deum,
Te corda nostra personent,
Teque in tuis mirabilem
Collaudet omne saeculum.
Christe, precamur, ut quibus
Laudes ovantes dicimus,
Horum frui nos lucidis
Dones per aevum aspectibus.
Hymnis per aethram ac suavibus
(0630A)Apostolorum laudibus.
Noster chorus hic consonet
Psalmis canorus dulcibus,
Zona Benignus aurea
Nos cinge castimoniae,
Ut te videntes laudibus
Tuis vacemus perpetes.