Distillat fonte e tenui vagus amnis, et inde
labitur effusis non rediturus aquis;
emanant corde ex imo suspiria moxque
conversa redeunt in sua corda via.
5Ex oculis lacrimae postquam fluxere, nec illas
luminibus rursum restituere genae.
Cur revocant ad se rursum suspiria curae,
rursus et infestat tristia corda dolor?
Nulla quidem ratio est, etenim rationis amantes
10 expertes, omni caeca in amore via est.