(PL 151 0581D)
Simon habens nomen, maiorum sanguine claro,
Francorum procerum, pars ego magna fui.
Paupertatis amans, patriam mundumque reliqui,
Christum divitiis omnibus anteferens.
Post ad apostolicam coelestis principis aulam
Eximius tanti me patris egit amor.
Quo duce promerear tandem super astra levari:
Hospitor hic sacras conditus ante fores. (0582D)
Olim facta patris renovans dictamine fratris
Discipulis normam scripsi sub paupere forma;
Sed quia nec spernit Deus haec, nec pauperiora,
Ostendit Moyses, operi capiendo minora.
Quare lectorem cupiens auxiliatorem,
Me legat absentem posco virtute carentem.