Wamba prius, qui Petrus eras, missaeque minister,
Rex Gotthicae gentis religione micas.
Sponte tua non affectas regale cacumen,
Sed subis imperii grande coactus onus.
Spes tua, conatusque tuus, virtute potentis
Fretus, inauditas res operatus ades.
Nulla perinde tali res gratior usque quiete est:
Coenobium gaudens post sacra sceptra petis.
Septem ibi perpetuos monachus bene praeteris annos,
(0816B)Inde oblata coelos morte beatus adis.
Felix Wamba tua censeris sorte fuisse:
Tam bene qui calcat sceptra, per astra volet.
Septem sceptra tuae gentis moderaris in annos,
Quae sinis haud morbi mole, sed ipse libens.