Epigrammata (Sarbievius) — XXV.

Quaerebam, nostris si quis daret oscula labris,
Dum meus, heu! longo tempore Sponsus abest.
Oscula poscebam coelum: dabat oscula coelum:
Sed satiare meas non potuere genas.
Oscula poscebam terram: dabat oscula terra;
Sed fuerant tactis asperiora petris.
Terra vale, coelumque vale; dabit oscula Sponsus
O essent, quot sunt vota, tot ora milii!