Ipsa loquitur.
Ne manes, ne terra tegat; sinite umbra vagetur.
Nostra quidem certum non habet umbra locum,
non sedes mihi certa. Dies noctesque vagamur;
exilio requies nec datur ulla meo.
Ipse error mihi poena, viros quod tempore in uno
et colui una duos extuli et una duos.
De me igitur servare fidem ac retinere pudorem
atque unum de me discite inire torum.
Nomen erat mihi Pura; heu, quod nec pura nec insons
vixi. Nunc vitae crimina morte luo.