Neve haec cuncta carerent
Caro lucis honore,
Spirantique calore,
Solis conditor ignem,
Lunae et lampada finxit,
Stellarumque nitores.
Sphaeris astra sub amplis,
Haec infixa manere,
Haec sunt jussa moveri,
Quae annis atque diebus,
Signis, prodigiisque
121.0636D| Praeessent, temporibusque.
Phoebo sidera ab uno
Lumen cuncta capessunt.
121.0637A| Nox quis horrida cedit.
Quin et luna meatu
Diverso, variante
Orbe incerta vagansque,
Solis lumine plena
Nunc crescit, radiatque,
Nunc obducta recedit.