Carmina historica — Super Guillelmum de Montesorelli,

Aggregat absque mora non extricabilis hora
Servos nobilibus, et pueros senibus.
Quod si nobilitas posset producere vitas,
Nobilitante domo non moreretur homo.
Heu! Willelme, satis fuerat tibi nobilitatis,
Attamen a superis nobilis abstraheris.
In modica fossa sunt magni stemmatis ossa,
Artus ingenuos haec habet ossa tuos.
Si quem laesisti, si quid male promeruisti,
Christus adesto tamen; pace fruaris, amen