Claviger aethereus, servat qui regmina coeli,
Solvere quaeque placet, atque ligare potens.
Piscator quondam, coeli nunc janitor almus,
Ecclesiae princeps, pastor et ipse bonus.
Cui Christusque suum servandum tradit ovile
Dum redit ad Patris regna beata sui.
211 O nimium felix, totus quem diligit orbis!
Huic Christus nomen Petrus habere dedit.
(0743D)Hoc pietate sua templum, precor, undique cingat,
Adventuque suo protegat, atque regat.
Auxiliumque suis famulis protector in illo.
Perferat, et precibus adsit ubique suis.
Dirutum flammis renovaverat hoc quoque Rado,
Cui rogo mercedem reddat et ipse Petrus.