137.1063C| Salve regalis proles clarissima stirpis,
Gerbirg, illustris moribus et studiis.
Accipe fronticula dominatrix alma serena,
Quae tibi purganda hic offero carminula.
Ejus et incultos dignanter dirige stichos,
Quam doctrina tua construit egregia.
137.1064C| Et, cum sis certe vario lassata labore,
Ludens dignare hos nunc modulos legere.
Hanc quoque sordidulam tenta purgare Camenam,
Ac fulcire tui flore magisterii
Quo laudem dominae studium supportet alumnae,
Doctricique piae carmina discipulae.