Sieste atento da fá nʼ amicizia,
sii con ëres o sii con ëi!
Ponsa denant, i tʼ al diji, na frizia!
Zonza gnaraste bën prësc a le sëi,
cô che les beles parores te liëia
tö con gherlandes de reses y flus.
Danter les reses y danter fëia
crëscel spinac co tʼ arjigna les crusc.
Zonza festidi tla barca dla vita
este dai brac dlʼ amicizia abracé.
Mile ligrëzes la vita te pîta
can che te mines da ester amé.
Plü y plü enfora la barca sölʼ ega
dlun te nainenn spo te pôrtera ennant.
I edli engianês dlʼ amicizia ne vëiga,
cô che le ci se rescüra dertant.
Y te naôta lomina tranüdi
danter les neores portades dal ont,
lʼ ultima ôta te mëna salüdi
chi co te lascia śën su y soront.