Al ven a pas a pas missâr Inviâr
vistût in pilizzòn dut sbirlufît,
cu sofle e cu’l ’nus tete in tal favâr
apene in strade mitût fûr un pît.
A chel sul ciâf ’ai ciazze lu tabâr,
a un altri ’i rizze il piruchín pulît,
a chel ’i fâs svolâ il ciapièl bizzâr
e sbrundulànt si ciazze in ogni sît
Vedelu là che infin sot lis scarpetis
al ûl vedê pilizzis e cossai
e ’ai fâs mostrâ vergonze a lis polzetis.
’L è temerari, ma ce oleso fai,
fantatis? Tignît ben lis giambis stretis,
ch’ul impromet che sú no ’us larà mai.