No t'ei desmenteà
O mè Anpezo bel
Sirà ei duto 'l mondo
Ma son po senpre chel
Vedù ei bela crodes
Valades, gran zitàs
Ma el paradis terestre
Tu, solo tu te 'l as
Se ciata da pì partes
Fos calche fedel sén
Ma pì che a ti Anpezo
No s' i po portà ben
Anche coi straniere
Se pasa dei biei dis
Ma in te, o bel Anpezo
S' a senpre el paradis
Su ra tò patria tera
Cresciù 'l é chel prin fior
Che rende a dute cuante
Un tremolà del cuor
E là chel santo siolo
M' a senpre consolà
Canche 'l Signor desgrazies
Dal zielo el m' a mandà
Seanche son pì parte
Intrà al forestier
Te resta a ti Anpezo
duto el mè pensier
Che chel che dal straniero
Io ei vedù de bel
'L é solo na cornis
Par t' incasà joièl.