A mes scolars
Mes buns e cars
Amitgs scolars!
Tgi ha lubiu de far aschi?
Per vies schengetg
Engraziel fetg,
In gron plischer veis fatg a mi.
Mo eunc pli bein
Segiramein
Vignis vus mei legrar; cun flis
Modestadat
E tscheccadat,
Cun buca daventar unfis
D’urar e far
E brav luvrar
E bein imp( r )ender vies talenn,
Che Dieus ha dau
A vus el tgau,
Perquel tenni bein endamenn:
Lischentadat,
Lischadadat
E tupadira vala nuot
Duvrei endretg
Vies entelletg
E lavigiei negin daguot;
Pertgei saveis
Che Vus haveis
Ded inagada render quenn?
Scbe seies po
Perderts e mo
De far il bien tenni el senn,
Gie sespruei,
- Dieus detti quei -
Ded esser buns e pietus
Buc emblidei
D'urarper mei,
Sco jeu vi era far per vus.
P Vig. Perathoner Prof.