L’Ame sortant du corps du Roy de l’univers
prenant le bois sacre que l’Agneau sans maculle
avoit oint de son sang ainsy que fict Herculle
magnanime guerrier elle vint aux enfers
La d’un coup de la croix elle verse a lenvers
les huicts imperieux de la maison qui brusle
espouvantant pluton qui confus se reculle
elle en tira les siens y laissant les pervers
Et le troisieme jour peu aprez que l’aurore
fut aparue au ciel quelle paint & collore
rentrant dedans son corps le fict resussiter
Immortel glorieux d’une fasson nouvelle
car la mort neut pouvoir aucun d’y resister
parce que tout flechit a sa force esternelle
Sortant du monumant tout brillant de lumiere
les gardiens commis par se peuple cruel
ainsy comme frappez d’un coup de feu du ciel
tomberent a lenvers pasmez sur la poussiere
Et la terre trambla dune estrange maniere
car en se mesme instant l’Ange de lesternel
dessandit au sepulcre ayant un regard tel
q’un esclair & gesta ceste pierre en ariere
Et aux femmes venant par saincte affection
Luy mesmes anonsa la resurrection
de Christ qui se pandant vint consoler Marie
Car comme estant tres juste il failloit vrayemant
puis que sa mere estoit la premiere en tournant
qu’elle fut de son bien la premiere advertie