Cyté d’Auxerre aymée et renommée,
Ceulx de Paris souvant t’ont habitée
Pour le beau lieu et aussi pour la grume
Dont ton hault bruyt plus vaut qu’on le ne plume.
Tu as bon vin, bonne eau, bon blé, bon pain,
Aussi tu as le corps de sainct Germain,
Et cil qui veult dévotement s’esbatre
Soubdain verra l’église sainct Amatre ;
D’aultres corps sainctz assez vous trouverez.
Avec les tours sainct Estienne verrez.
Apres visez le grant tour du chasteau
Où est assis l’horologe moult beau ;
Les fontaines ne fault laisser derrire,
N[i] l’excellent grant commun cymetire.
Pour faire fin or trouvez et argent
Que vous pourrez bien gaigner par art gent
Y a aussi maintes aultres richesses
Dont je me tays et toutes gentillesses.
Conclusion de tous biens as assez,
Et mesmement plusieurs vins amassez,
Dont chascun dit que la ville d’Auxerre
Sert au commun sans le tenir en serre.
De grant renom est la cité de Sens,
Car dedans sont gens de moult nobles sens,
Tant procureurs comme aussi advocatz,
Ils sont tous clercs entendans à voz cas.
Des malfaiteurs iiz font bonne justice,
Considérant hault et bas injustice.
Aussi avez beaucoup de gens d’église
Bien servant Dieu sans aucune faintise.
Sens est assis au dessus la rivière,
Où sont les prez et jardins par derrière.
Bon pain, bon vin en moult grant abondance,
Les boys trouvez en semblable affluence.
Quant au regard de bonne pescherie,
Vous en trouv’rez pour faire chere lye ;
En oullre y sont les nobles et belles églises
Qui sont bastis par sumptueuses guises,
Et entre toutes est monsieur sainct Estienne,
Selon bon droict la métropolitaine.
Auprès y est de saint Jehan l’abbaye ;
Lieu fort dévot dequoy ne m’esbaye,
Encores avez troys moult beaux monastères
Qui sçavent bien entendre à leurs affaires :
Cest sainct Remy avecq saincte Colombe,
Esquels gens doulx verrez comme colombe.
D’aultre part est de Sainct Père le Vif,
Religion, confortant Ibomme vif.
Semblablement y sont les cordeliers
Qui ne tiennent jamais aucuns deniers.
Les celeslins avez et jacopins.
Qui gueres n’ont à manger gras lopins.
Les Sennoys pour bien parler en somme
Moult vaillamment ilz ont combatu Romme
Par bel arroy, portant lances et armes,
A plusieurs gens ont bien faict des alarmes.
Savinian premier prélat du lieu,
A bien monstré comment fault servir Dieu.
Aussi a fait le bon Polencian
Se gouvernant en sainct homme ancien.
Plusieurs corps sainctz y sont et gros joyaulx.
Que chascun voit les reputant moult beaux.