ATout iamais d’un vouloir immuable
La vueil ſeruir comme la plus notable
Qui ſoit viuant, & du plus beau maintiẽ
La raiſon eſt, car ſon cueur & le mien
Ne ſoit plus que vng par vng vouloir ſemblable
Elle voiant mon mal eſtre importable
M’a dit ce mot qui tant m’eſt aggreable.
Mon cueur auez, & le voſtre retien.
A tout iamais.
Seroys ie pas doncques bien miſerable
D’eſtre vers luy traiſtre ne variable
Conſideré le plaiſant entretien
Qu’elle m’a faict? ie ſeruiray ſi bien
Que (de ma part) l’amour ſera durable.
A tout iamais.