Chorus—Thou bonny wood of Craigie-lee,
Thou bonny wood of Craigie-lee
Near thee I spent life’s early day,
And won my Mary’s heart in thee.
The broom, the bri’r, the birken bush,
bloom bonny o’er thy flow’ry sea,
An’ a’ die sweets that ane can wish,
frae nature’s ‘han are shrew'd on thee.
Thou bonny wood, &c.
Far ben thy dark green plantin's shade,
the cushat croodles am’rously,
The mavis down thy bughted glade,
gais echo ring frae ev’ry tree.
Thou bonny wood, &c.
Awa’ ye thoughtless murd'ring gang
wha tear the nestlings ere they flee;
They’ll sing you yet a canty sang,
then, O in pity let them be.
Thou bonny’ wood, &c.
When winter blaws in sleety show'rs
frae aff the Norlin hills sae hi,
He lightly skiffs thy bonny bow’rs,
as laith to harm a flow'r in Thee.
Thou bonny wood, &c.
Tho’ fate should drag me south the line,
or owre the wide Atlantic sea,
The happy hours I’ll ever min’
that I in youth hae spent in thee.
Thou bonny wood, &c.