Fortune, O myghty & varyable
What rule thou claymest, with thy cruel power
Good folke thou stroyest, and louest reprouable
Thou mayst not waraunt thy gyftes for one houre
Fortune vnworthy men setteth in honoure
Thorowe fortuneth inocent i wo & sorow [illeg.]heth
The iust man she spoyleth, & the vniust enrycheth.
Yonge men she kylleth, & letteth olde men lyue
Vnryghtuously deuydynge, tyme and season
That good men leseth, to wycked doth she gyue
She hath no differece, but iudgeth all good reason
Inconstaunce, slypper, frayle, and full of treason
Neyther ther for euer cherysshynge, whom she taketh
Nor for euer oppressynge, whom she forsaketh.